Шинэ жилийн даашинзаа сонгосон уу

Oscar, Golden globe, Grammy award, SAG award гэх мэтчилэн жил бүр болдог томоохон арга хэмжээнүүдэд одуудын өмссөн даашинзнуудаас Fashion editor-уудын Best гэж тодорхойлсон даашинзуудыг толилуулж байна. Шинэ жил юу юугүй хаяанд ирсэн энэ үед санаа авахад илүүдэхгүй бизээ.

Энэ жил загварын ертөнцөд цахиур хагалан орж ирсэн од бол яахын аргагүй Lupita Nyong’O. Oscar-р өмссөн Prada цэнхэр даашинз нь түүнийг анхаарлын төвд авч ирсэн ба үүнээс улбаатай гүн V ухлаадас энэ жилийн турш давамгайлах нөлөөтэй байлаа. 

Мөн өдөр тутмын хувцаслалтанд хүч түрэн орж ирсэн crop top энэ жилийн ёслолын арга хэмжээний тэргүүн эгнээнд заларчээ.  

Өнгөний хувьд ногоон, хөх, улаан тод өнгүүд зонхилж байгаагаас гадна цагаан болон бор шаргал, саарал өнгүүд металл болон чулуун чимэглэлийн хамт улаан хивсийг гэрэлтүүллээ. 

Харин өнгөрсөн жил трэнд болоод байсан торон материал энэ жил нэлээд багасч деталь хэсэгрүү шилжсэн байна. 

Миний хувьд Nina Dobrev-н өмссөн хар даашинз таалагдсан шүү. Магадгүй шинэ жилээр өөртөө зориулаад хийх ч юм билүү